დონეცკსა და ლუგანსკში 49 ლოკაცია დაბომბეს

რუსეთის არმიამ ბოლო 24 საათის განმავლობაში დაბომბა 49 ადგილი დონეცკისა და ლუგანსკის ოლქებში, აღმოსავლეთ უკრაინაში. „ბოლო დღის განმავლობაში, 27 მაისს, დონეცკისა და ლუგანსკის ოლქების 49 დასახლება რუსეთის ცეცხლის ქვეშ მოექცა. მშვიდობიანი მოქალაქეები იღუპებიან მტრის ცეცხლის ქვეშ. დონეცკის რეგიონში რუსმა სამხედრო დამნაშავეებმა ოთხი მშვიდობიანი მოქალაქე მოკლეს და კიდევ ხუთი დაჭრეს. ლუგანსკის რეგიონის შესახებ ინფორმაცია ზუსტდება“, - ავრცელებს გაერთიანებული ძალების დაჯგუფება Facebook-ზე.