პარლამენტთან სპეცდანიშნულების რაზმი გამოჩნდა

პარლამენტთან სპეცდანიშნულების რაზმი და წყლის ჭავლის მანქანები გამოჩნდა. მანამდე, სამართალდამცველებმა მეტროსადგურ „თავისუფლების მოედანზე“ ერთი პირი დააკავეს. სამართალდამცველების განმარტებით, მან პოლიციელებს სიტყვიერი შეურაცხყოფა მიაყენა. გარდა ამისა, ვრცელდება ინფორმაციაც, რომ ფეიერვერკის სროლის შედეგად პოლიციის თანამშრომელი დაშავდა. ინფორმაციისთვის, რუსთაველის გამზირზე საპროტესტო აქცია უკვე მე-9 დღეა მიმდინარეობს. ფოტო: მთავარი არხი